Instructions 

Skref 1

Leiðbeinandinn kynnir umfjöllunarefni dagsins: Frestunarárátta. Hann hefur umræðurnar með því að spyrja þátttakendur hvort þeir kannist við hugtakið. Síðan útskýrir hann frekar: Frestunarárátta felur í sér þá hegðun eða ávana að framkvæma ekki verk. Frestun er að koma sér hjá því að vinna verkefni sem þarf að ljúka. Frestun getur leitt til samviskubits, vanmáttar, þunglyndis og efa um eigin getu og frestunarárátta getur haft í för með sér alvarlegar afleiðingar. Leiðbeinandinn ræðir um mun á frestun og of miklu vinnuálagi annars vegar og fullkomnunaráráttu og að gera mistök hins vegar. Frestunarárátta er flókið fyrirbæri sem hefur áhrif á fjölda fólks sem stríðir við fullkomnunaráráttu. Ótti við að vera ekki fullkominn getur orsakað yfirþyrmandi tilfinningar og afgerandi frestun.  Það að slá öllu á frest þar til á síðustu sekúndu er sársaukafull aðferð fólks með fullkomnunaráráttu til þess að koma sér hjá því að vinna verk. Leiðbeinandinn minnir þátttakendur á að það að mistakast er hluti af lífinu. Mistök geta verið uppspretta mikils þroska.

 

Skref 2

Þátttakendur fá eftirfarandi dreifirit: Hvers vegna fresta nemendur? Hvernig er hægt að takast á við frestun? (hægt er að aðlaga efni dreifiritanna að aðstæðum á vinnustaðnum) og leiðbeinandinn fer yfir atriðin og hvetur til spurninga eins og Hafið þið upplifað slælega tímastjórnun? - Þekkirðu einhvern sem er áhyggjufullur? - Hefur þú stundum áhyggjur? Til eru aðferðir til þess að takast á við frestun og þær eru útskýrðar í síðara dreifiritinu, Hvernig  vinna má bug á frestun. Leiðbeinandinn biður þátttakendur fyrst um að ræða eina þessara aðferða,  útbúa síðan í paravinnu  markmið og bera þau síðan undir allan hópinn. Brýnt er að ræða um markmiðin og biðja þátttakendur um að setja eitt markmið fyrir nánustu framtíð. Leiðbeinandi getur að því loknu beðið þátttakendur um að finna fleiri nytsamleg ráð.

​

 

 

Hand-out: Procrastination

 

 

Skref 3 Leiðbeinandi biður þátttakendur um að segja öðrum í hópnum frá markmiðinu sem þeir settu sér. Að því loknu tekur leiðbeinandi saman niðurstöður og lýkur vinnunni.

 

Kennsluaðferðir

 Hópavinna: Kynning leiðbeinanda og hópumræður.

 

Undirbúningur 

Leiðbeinandinn undirbýr sig með því að lesa yfir útdráttinn, niðurstöður lærdóms, skrefin og undirbýr efni til dreifingar.

 

Undirbúningur: 30 mín.