Flest störf eru að þróast í átt að þekkingarstörfum og sérþekking starfsfólks verður sífellt mikilvægari. Þess vegna eykst þörf fyrir að stjórnendur tileinki sér lærdómsríkar aðferðir sem miða að þátttöku allra við stjórnunarstörf.  Brýnt er að yfirmenn búi yfir færni í samskiptum og ráðgjöf.

Nú er gerð krafa um að stjórnendur beri ábyrgð á þróun teyma en jafnframt einstaklingum og áætlunum þeirra um þróun starfsferils. Í samkeppnisumhverfi nútímans er mikill þrýstingur á starfsmenn margra fyrirtækja á að þeir leggi sig virkilega fram og það hefur áhrif á líkamlega og andlega heilsu.  Þess vegna er þörf fyrir  að þessir starfsmenn njóti viðeigandi ráðgjafar  þegar þess er þörf. Markmið ráðgjafar er að draga úr álagi og gera vinnuna markmiðssæknari og gæta þess að vinnuumhverfið sé gott, og stuðli fyrst og fremst að starfsánægju. Stjórnendur verða að vera þess umkomnir að grípa til aðgerða sem stuðla að þessu og veita starfsmönnum faglega aðstoð hvort sem um ræðir tilfinningalegan eða geðrænan stuðning.