Alþjóðlegt Leonardó verkefni: Aðilar vinnumarkaðarins og  náms- og starfsráðgjöf fyrir láglaunafólk

​

Verkefnið snérist um að safna saman góðum dæmum um hvernig hægt er að veita láglaunafólki náms- og starfsráðgjöf. Það var unnið með styrk frá Leonardó starfsmenntaáætlun Evrópusambandsins. Þátttakendur komu frá tíu löndum, Tékklandi, Íslandi, Spáni, Danmörku, Ítalíu, Lúxemborg, Svíþjóð, Finnlandi, Þýskalandi og Bretlandi. Til viðbótar því að safna og miðla dæmum um góða þjónustu varð í verkefninu til úrval aðferða og úrlausna sem vinnuveitendur, verkalýðsfélög og náms- og starfsráðgjafar geta nýtt sér.

Í Finnlandi fengu tólf hreingerningakonur sem störfuðu hjá litlum fyrirtækjum hóparáðgjöf sem skipulögð var að fyrirmynd hópráðgjafar sem Borgen og Amundson þróuðu. Markmið þessa könnunarverkefnis var að greina þarfir og fyrirspurnir þátttakenda fyrir ráðgjöf  en jafnframt að skoða tækifæri og framkvæmd náms- og starfsráðgjafar á vinnustað. Í verkefninu voru tólf þátttakendur frá fimm ólíkum fyrirtækjum. Ráðgjafarnir voru tveir sálfræðingar frá Vinnumálastofnun. Hóparáðgjöfin var veitt samkvæmt fyrirmyndinni í fimm skipti og einu skipti til eftirfylgni. Ráðgjöfin fór fram um eftirmiðdaginn, í vinnutíma og tók hvert skipti þrjár klukkustundir. Ráðgjöfin var þátttakendum að kostnaðarlausu en vinnuveitendur greiddu þátttakendum laun á meðan á ráðgjöfinni stóð.

​

Markmiðið með ráðgjöfinni var að:

​

• Aðstoða þátttakendur við að greina eigin styrkleika, færni og tækifæri til þess að efla sig.

• Íhuga áskoranir og ánægjugjafa í starfi þeirra.

• Efla þátttakendur faglega og styrkja faglega ímynd.

• Búa til áætlanir um framtíðina.

• Íhuga kvenleikann og það sem fylgir því að vera kvenkyns og lífa lífi konu.

• ​

Allir þátttakendur lýstu yfir ánægju með reynsluna af ráðgjöfinni. Þeim fannst að hópavinnan hefði víkkað sjóndeildarhring sinn og eflt sjálfsöryggi, sjálfstraust og hugrekki.