Áhrif

Þátttakendur:

• Komast að því hvaða þekkingu og færni þeir búa yfir og hvert gildi þess getur verið í ólíku samhengi (vinnu, sjálfboðastarfi, áhugamálum).

• Efla styrk sinn við eigin þróun og þroska.

• Geta tengt færni sína við stöðluð viðmið eins og framtíðarsýn, markmið og skipulag fyrirtækis og/eða kerfi viðmiðaramma og viðurkenningar.

• Leita inn á við og styrkja innsta kjarna sinn, öðlast meira úthald og aðferðin gerir þeim kleift að meðtaka kraftinn sem fylgir því að stýra eigin færniþróun.

• Komast með þeim styrk nær markmiðum sínum og því að láta draumana rætast.

​

Um fræðsluna

Fræðsla eftir CH-Q aðferðinni mun aðstoða þátttakendur og veita hagnýt verkfæri til þess að taka næstu skref. Á meðan fræðslan fer fram munu þátttakendur skapa/fylla færnimöppu og aðgerðaáætlun. Þeir skapa færnimöppu sem hentar þeim best og sem endurspeglar þeirra eigin kosti þeirra með tilliti til þeirra kringumstæðna sem þeir starfa við.

Í aðgerðaáætluninni lýsa þátttakendur nákvæmum skrefum sem færa þá nær markmiðum sínum og gera þeim síðan kleift að stíga skrefin. Þeir hljóta þjálfun í fámennum hópum þar sem þeir eru samtímis í hlutverki þjálfara og að spegla hver annan. Vinna í hópum (8 - 12 manns) er frumskilyrði þess að læra að meta og veita endurgjöf til hvers annars. Starfið eflir jafnframt sjálfsspeglun og eflir þannig sjálfbærni ferlisins.

​

Hvernig virkar þetta?

Venjulega fer námið fram  í sex hálfs dags törnum, ásamt álíka mörgum tímum til heimavinnu. Óháður matsaðili fer yfir færnimöppuna og aðgerðaáætlunina sem leiðir til útgáfu viðurkenningar á að þátttakendur séu færir um að móta náms- og starfsferil sinn á sjálfbæran hátt og grípa til nauðsynlegra aðgerða.

​

Ferlið

Fræðslan hrindir af stað eigin ferli hvers þátttakanda, sem hefur langtíma áhrif á þá – einnig að henni lokinni. Hlutverk leiðbeinandans er að koma ferlinu af stað, vakta það og fylgjast með því.

​

Jákvæð nálgun

Allir búa yfir styrkleikum og færni og hafa jafnframt beitt þeim við störf sín hvort sem er í launuðu starfi eða sem sjálfboðaliði, í tómstundum, í einkalífi og námi. Styrkur CH-Q aðferðarinnar er að allir í hópnum fylgjast að mestu leyti að í sömu vegferð. Í náminu eru allir speglar og þjálfarar hver fyrir annan. Með því lærist hverjum þátttakenda  að þjálfa sjálfan sig. Með því að breyta fjölda í hópunum og skipta hópunum upp, skapast umhverfi margvíslegra sjónarmiða, markmiða og lausna og  bein og óbein þátttaka í tengslanetum.  

Færnimappan og aðgerðaáætlunin eru helstu lokaafurðir námsins. Þær eru metnar af óháðum matsaðila. Færnimappan er persónuleg færnimappa þátttakandans, sem hann hefur greinilegt eignarhald á. Tengsl eru sköpuð með kerfisbundnum hætti milli þekkingar og færni.  Með því að skapa og kynna hópnum aðgerðaáætlun verður hún smám saman raunhæfari og endurgjöf frá öðrum þátttakendum auðveldar einstaklingum í hópnum að taka þau skref sem lögð eru til í áætluninni.

CH-Q býr yfir alhliða gæðakerfi: Í því felast eftirfarandi þættir:   

• Allir leiðbeinendur hjá CH-Q hafa lokið grunnnáminu;

• CH-Q leiðbeinendur hljóta einstaklingsbundna vottun;

• Vottun á öllum stigum er óháð/sjálfstæð;

• Vottun fer alltaf fram í gegnum formlegt mat – sérsniðnu að hverju stigi og markhópi;

• Hver fræðsluáætlun sem CH-Q hannar er metin af  CH-Q stofnuninni;

• CH-Q stofnunin í Hollandi vaktar gæði þjálfunar, leiðbeinenda og mats.

​