Nýlega var hrint í framkvæmd þjóðarátaki um náms- og starfsráðgjöf fyrir fullorðna í Finnlandi. Til átaksins var varið andvirði rúmlega 20 milljóna evra. Þróunarverkefnið „Nytsemi og þarfir sem grundvöllur náms- og starfsráðgjafar fyrir fullorðna, með beitingu þróunarverkefnis um upplýsingatækni, leiðsögn og rágjöf“ var rekið fyrir styrk frá Félagsmálasjóði Evrópu  undir þriðja forgangsatriði og var hrint í framkvæmd á svæðis- og landsvísu á árunum 2008 - 2014. Markmið verkefnisins voru að:

1. Þróa framkvæmd náms- og starfsráðgjafar fyrir fullorðna, með þjálfun náms- og starfsráðgjafa og leiðbeinenda í fullorðinsfræðslu,

2. efla færni þeirra og

3. leggja mat á raunfærni fyrir námsmenn í fullorðinsfræðslu.

 

Náms- og starfsráðgjafarþjónusta var þróuð í gegnum 30 svæðisbundin „Gátt að námi“ (fi. Opin Ovi) verkefni. Verkefnin leiddu til nýrra líkana og aðferða við náms- og starfsráðgjöf fyrir fullorðna, bæði verkefni sem byggja á beitingu upplýsingatækni og sveigjanleg, vel reynd náms- og starfsráðgjafarnet. Meðal afurða verkefnisins var ný þekking, ekki aðeins grunn kunnátta um tengslanet heldur einnig ný nettengd aðferð við vinnu náms- og starfsráðgjafa. Í tengslum við þróunarverkefnið komu fram ótal verkfæri og viðmið og nokkrir samningar til þess að tryggja sjálfbært samstarf og aðgerðir.

 

Markmiðið var að koma á aðgengilegri alhliða náms- og starfsráðgjöf fyrir alla borgara sem veittu aðstoð fólki sem hefur hug á að sækja fullorðinsfræðslu. Að verkefninu loknu héldu sumar ráðgjafamiðstöðvarnar velli á meðan starfsemi annarra var lögð niður vegna skorts á fjármagni.