Lærdómur / hæfniviðmið

Að lokinni æfingunni eiga þátttakendur að vera færir um að:

·         Endurskoða eigin náms- og starfsferil með kortlagningu og líta yfir farinn veg í lífi og starfi.

·         Ræða um og draga saman mikilvæga atburði á lífsleiðinni sem hafa haft áhrif á þróun náms- og starfsferilsins.

·         Greina viðburði á náms- og starfsferlinum og ræða um þá.

Um æfinguna

Æfingin nýtur mikilla vinsælda meðal náms- og starfsráðgjafa. Líflínuverkfærið má laga að ólíkum umræðuefnum og ólíkum tilgangi. Æfingin getur verið sérlega árangursrík sem upphaf ráðgjafar. Með henni má aðstoða einstaklinginn við að raða viðburðum í lífi hans í tímaröð og draga fram jafnt jákvæða þætti sem áskoranir. Í æfingunni er dregin upp skýr mynd bæði af þróun náms- og starfsferils og af mikilvægum áhrifavöldum í lífi einstaklingsins. Tala má um þættina til að hvetja einstaklinginn til að dýpka sjálfsskilning sinn. Vinnuveitandi getur öðlast vitneskju um styrk og færni starfsmanns auk þess að fá innsýn í það sem stuðlar að vellíðan á vinnustað. Æfinguna má bæði gera með einstaklingum eða hópi þar sem tveir og tveir geta til dæmis rætt saman um útkomuna undir leiðsögn frá ráðgjafa og síðan tekið þátt í umræðum um niðurstöður sem hæfa fyrir allan hópinn.